адские отрывки


"Вирша Кариона Истомина"
Грамматика учит знати
‎Глаголати и писатиБлаго.
Грамматику, душе, слыши,
‎ писмена в ней изучиши.
Обзри смыслом аз и буки,
‎ емли перо в твои руки.
Пиши слова добре складом,
‎ веди строки в разум рядом.
Глагол писму та начало,
‎ дело сие Богом стало,
К Христу простри моление,
‎ дает он всем спасение.
О азбуке прьмстей... Коль много лет мнози философи еллинстии сбирали и составливали грамоту греческую и едва уставили мноземи труды и многыми времены едва сложили; пермьскую же грамоту един чрьнець сложил, един составил, един счинил, един калогер, един мних, един инок, Стефан глаголю, приснопомнимый епископ, един в едино время, а не по многа времена и лета, якоже и они, но единъ инок, един вьединеныи и уединяася, един, уединеныи, един у единого бога помощи прося, един единого бога на помощь призываа, един единому богу моляся и глаголя: "боже и господи, иже премудрости наставниче и смыслудавче, несмысленым казателю и нищим заступниче: утверди и вразуми сердце мое и даи же ми слово, отчее слово, да тя прославляю в векы веком" . И сице един инок, к единому богу помоляся, и азбуку сложил, и грамоту сотворил, и книгы перевел в малых летех, богу помогающу ему; а они мнози философи, многими леты, седмь философов, едва азбуку уставили, а 70 муж мудрец преложение перетолмачили, книгы от жидовьска на греческыи язык преведоста...
Псалом 90
Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходяшия, от сряща, и беса полуденнаго. Падет от страны твоея тысяща, и тма одесную тебе, к тебе же не приближится, обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу его: с ним есмь в скорби, изму его, и прославлю его, долготою дней исполню его, и явлю ему спасение Мое.
Слово о полку игореве (1)
Не лепо ли ны бяшетъ, братие,
начяти старыми словесы трудныхъ повестий о пълку Игореве,
Игоря Святъславлича?
Начати же ся тъй песни
по былинамь сего времени,
а не по замышлению Бояню!
Боянъ бо вещий,
аще кому хотяше песнь творити,
то растекашется мыслию по древу,
серымъ вълкомъ по земли,
шизымъ орломъ подъ облакы.
Помняшеть бо рече,
първыхъ временъ усобице.
Тогда пущашеть 10 соколовь на стадо лебедей;
который дотечаше,
та преди песнь пояше -
старому Ярославу,
храброму Мстиславу,
иже зареза Редедю предъ пълкы касожьскыми,
красному Романови Святъславличю.
Боянъ же, братие, не 10 соколовьна стадо лебедей пущаше,
нъ своя вещиа пръстына живая струны въскладаше;
они же сами княземъ славу рокотаху.
Почнемъ же, братие, повесть сию
отъ стараго Владимера до ныняшнего Игоря,
иже истягну умь крепостию своею и поостри сердца своего мужествомъ,
наполънився ратнаго духа,
наведе своя храбрыя плъкына землю Половецькуюза землю Руськую.
Плачь Ярославны
На Дунаи Ярославнынъ гласъ ся слышитъ,
зегзицею незнаема рано кычеть:
"Полечю - рече - зегзицею по Дунаеви,
омочю бебрянъ рукавъ въ Каяле реце,
утру князю кровавыя его раны
на жестоцемъ его теле".
Ярославна рано плачетъ въ Путивле на забрале, аркучи:
"О ветре, ветрило!
Чему, господине, насильно вееши?
Чему мычеши хиновьскыя стрелкына своею нетрудною крилцюна моея лады вои?
Мало ли ти бяшетъ горе подъ облакы веяти,
лелеючи корабли на сине море?
Чему, господине, мое веселие
по ковылию развея?"
Ярославна рано плачетьПутивлю городу на забороле, аркучи:
"О Днепре Словутицю!
Ты пробилъ еси каменныя горы
сквозе землю Половецкую.
Ты лелеял еси на себе Святославли носадыдо плъку Кобякова.
Възлелей, господине, мою ладу къ мне,
а быхъ не слала къ нему слезъна море рано".
Ярославна рано плачетъвъ Путивле на забрале, аркучи:
"Светлое и тресветлое сълнце!
Всемъ тепло и красно еси:
чему, господине, простре горячюю свою лучюна ладе вои?
Въ поле безводне жаждею имь лучи съпряже,
тугою имъ тули затче?"
Прысну море полунощи,
идутъ сморци мьглами.
Игореви князю богъ путь кажетъизъ земли Половецкой
на землю Рускую,
къ отню злату столу.
Слово о погибели земли русской
О светло светлая
и украсно украшеназемля Русьская!
И многыми красотами удивлена еси:
озеры многыми,
удивлена еси реками и кладязьми месточестьными,
горами крутыми,
холми высокими,
дубравами частыми,
польми дивными,
зверьми разноличьными,
птицами бещислеными,
городы великыми,
селы дивными,
винограды обителными,
домы церковными
и князьями грозными,
бояры честными,
вельможи многами –
всего еси испольненаземля Руськая,
о правоверная
вера хрестияньская.

II
Отселе до Угоръ,
От Угоръ и до Ляховъ,
от Ляховъ до Чаховъ,
от Чаховъ до Ятвязи
и от Ятвязи до Литвы,
от Литвы до Немець,
от Немець до Корелы,
от Корелы до Устюга,
где тамо бяху Тоймичи погании,
и за Дышючимъ моремъ.
От моря до Болгарь,
от Болгарь до Буртасъ,
от Буртасъ до Черемисъ,
от Черемисъ до Моръдви –
то все покорено было богомъ
крестияньскому языку поганьскыя страны:
великому князю Всеволоду,
отцю его Юрью, князю Кыевьскому,
деду его Володимеру и Манамаху,
которымъ то Половьцидети своя полошаху в колыбели.
А Литва из болота
на светъ не выникываху.
А Угры твердяхукаменыи городы железными вороты,
абы на нихъ великый Володимеръ тамо не възехалъ.
А Немци радовахуся,
Далече будуче за синимъ моремъ.
Буртаси, Черемиси, Веда и Моръдва
Бортьничаху на князя великого Володимера.
И кюръ Мануилъ цесарегородскый, опасъ имея,
поне и великыя дары посылаше к нему,
абы подъ нимъ великый князь ВолодимеръЦесарягорода не взялъ.

III
А в ты дни болезнь крестияномъ от великаго Ярослава
И до Володимера,
И до нынешняго Ярослава,
И до брата его Юрья, князя Володимерьскаго. …

Приложенные файлы

  • docx 1902545
    Размер файла: 20 kB Загрузок: 0

Добавить комментарий